2010小事回顧

人生第二次自己落手落腳鏟機，這次是由OS10.5升級為10.6。一心想升級只因為舊OS運作久了老是容易hang機，反正要重灌當然要找個最新版本來安裝，始終一用至少一兩年。

任何人只要重灌過電腦或多或少總會明白這是要多麻煩就有多麻煩的事。所以一早預備了耐性沉著應戰，過程中仍會有力不從心真係煩爆的想法湧現。花了一夜一日，總算是把新OS整理得妥當貼服。其實兩者沒什麼大分別的，本來已經夠豪華的interface繼續華麗，之前的小問題小部份仍然存在，例如那個把托的MSN在quit時老是unexpected quit，程式的表現亦偶然欠缺穩定；但新OS開機關機更順暢，更就手的Exposé，速成輸入的字位編排終於回復正常，都得到稍稍安慰。（只是稍稍是因為，速成輸入的字位調動了位置，打字速度可慢了不少，而且經常打錯字！此乃針無兩頭利。）

電腦就如人生，總是沒有完美。至少我終於可以回到工作mode，看看在mac上打開數萬字寫作檔案，速度或細節上會否讓我抓狂吧～

→鏟機大作戰 之 其實我想炒碟蛋囧rz @2008.11

OS installer終於入手了，盤算多月的鏟機大行動即時展開。到底我會不會後悔呢？抓狂是重灌的指定動作，可是現在的我會叫自己「活在當下」，是時候，把不好不要得的舊習慣隨鏟機一併改掉。

好吧，祝我好運，See U @Snow Leopard!!

繼續文章

由2006年12月轉用自家架設的blog來寫手記之後，blog的skin的大結構一直沒有轉變過，頂多只是改改顏色調調位置，再加點廣告、連結、Plurk/微博和小玩意。

當加上愈來愈多小玩意，side bar愈來愈長，很多基本的link都飛到老遠去；而且見到米的blog轉用wordpress版面後好四正實用，量自己有排都未有時間把整個blog轉用wordpress，但至少仍能抽出僅餘的時間去改改skin，把內容分成三個column，可以善用螢幕闊度之餘，亦更方便瀏覽。

新skin的CSS仍有細部未設定好，但以現在的工作量能趕在換月份wallpaper theme同時推出來我已經夠佩服自己了。當寶貴的空餘時間一出現，我就會再好好fine tune一下。

暫時來說我很是滿意，就讓這個版面撐到我心血來潮轉用wordpress的一天。

mac OS的interface向來都很吸引人的，不論是desktop的icon或是default的wallpaper還有screensaver。
這是下載回來的screen saver，用了幾星期，愈來愈喜歡。
螢火蝴蝶，就像一個又一個靈魂，在夢中飄盪。

我發現，寫作真的把我這一段人生扭轉了，它佔據我超過一半的工作時間，書完成了，我終於閒一點，才有機會回到曾經熟悉喜愛的事情上，容許我在其他一切放下已久的事，從新審視整理一番。

其中一件事，就是專門放封面圖的作品集網頁page1。不知道有多少人留意過這個網頁，它在去年網頁改版後補留下來，留了個入口在主網頁上，然後又差不多一年沒有更新過。累積了一堆書想要更新，書一多，日子一久，我也以為，從此就不會再動這一邊了。

不過世上有回事叫做心血來潮。昨夜飯後，我心血來潮想點算未更新的書本封面有多少，把記錄打開，對照更新，找出所有收到樣書，逐一把封面掃描入電腦，整理好尺寸，然後是換個新的程式，讓訪客瀏覽或是自己更新都更方便。心血來潮，就是會把本來沒可能會發生的事，統統做好。

既然加多了新資料，就貼一下入口，請有興趣的朋友去八一下，這一年來，我幹過什麼。

繼續文章

我想炒碟蛋食下，於是去伯街買左D蛋返來。
返到來發現無鑊，順手check埋鑊鏟，一次過去添置，夠醒啦。
買好架生，又醒起無油，走去隔離村問村民借，點知我地都窮，無是啤既樽可以裝，要去村長個度借樽；點知佢又唔晌度，我足足等左佢一日佢至返來，原來佢去左廁所；問佢借樽，佢話要收按金，我諗住來借野既又點會帶銀包，我問可唔可以放低D野當抵押，村長話，咁呀，你食煙既，放低個火機啦；嗯，我家下想食蛋多ｄ，於是放低左個火機做抵押，囉個樽去搵村民。
村民倒左ｄ油俾我，又提議我加D鹽好食D喎，好心俾D鹽我，但樽就得一個，又無野可以抵押，我唯有拿住把鹽走，行返屋企。
終於返到屋企，雖然我得返一隻手（另一隻手有鹽）但都炒到蛋既，當我想開個火水爐時，醒起無火機點樣點著個爐呀？但我個樽又裝緊油囉唔返去換返個火機，唯有改用個電飯煲炒啦，應該都好食既。
個煲都N年無用過，一打開個蓋有八隻甲由爬出來，嚇死我；anyway，我都好落力用單手洗乾淨個煲，抹乾，落油，開制.......　咦？！點解唔著既？我望下出面個跳字鐘都無display，至醒起我無錢交電費，可能cut左電。
我唯有打電話俾電力公司問下佢地我可以點，點知佢地話要三日後至來到幫我搞返個電，等得佢地來我都餓死左囉！我照約佢地來，但當然唔會坐以待斃，去問村民借埋火機咪得囉！點知村民話：「車我都唔食煙又唔鍾意BBQ，做乜叉會有火機先得架！」我將我既情況話佢知，佢又話：「哦！咁乍嘛！你來我度炒咪得囉！我呢度個明火煮食爐係阿蘇拍完蘇Good之後無用啦，掉左佢我執返來安架，個爐D火鬼火咁靚架！炒蛋一流！」
咁就得喇！我囉埋哂盒蛋呀鑊呀鏟呀樽呀走去搵村民啦，佢見我走難咁咁多野，打左個突，不過俾我入屋。終於真係有個有火既爐，再+鑊+鏟+蛋啦！可以炒啦！但D油倒左入自己個煲無哂，我打開隻手，連D鹽都溶埋（鬼叫我手汗多咩），唔怕，村民有呀嘛！我再問佢囉，點知我精佢都唔笨，村民臨時加條件，話炒好既蛋要分D俾佢食，咁至肯再俾過我。好啦好啦，俗語都有話「你出豉油我出雞，叫糊唔止單吊西」，見係村民又咁幫我手，就應承佢啦。
萬事俱備只欠打蛋，正當我郁手時，村民一野捉住我隻手喝住我：「咪住！！你D咩蛋？伯街新鮮貨？！有三聚氰安架！靠害呀？」係喎，我都醒唔起伯街蛋驗到有三聚氰安，「咁點算？出面D蛋都缺貨，而且都唔知邊度入口，都可能有三聚氰安架喎？」村民係聽明人，佢馬上提議搵村長，因為佢係全村唯一一個有養私伙雞既人。
講真呀，話到明私伙雞，我知道村長唔會輕易送D私伙雞蛋過我地囉（連借個樽都要抵押啦），今次佢又搞乜花臣呢？估唔到今次佢又幾順攤喎，只要有得食埋一份就OK，咁梗無所謂啦，D蛋你架嘛。
我地返到村民個蘇Good爐前面，終於可以起鑊打蛋，炒呀炒，講你都唔信，前前後後炒足七日，上帝造人一樣，炒到我都溫溫鄧鄧，頭昏腦脹，終於上碟。
我地三個人哄埋去一聞，準備講一句「好香呀」個一刻，點知三口同聲話：「好乸臭啊！！」
村長D蛋無三聚氰安，但原來係臭既。鬼咩，佢D雞晌97禽流潮個陣已經拉哂去吸二氧化炭啦。

其實，我不過係想炒碟蛋食下者。

繼續文章

都已經有部24"的iMac了，又不常上街為什麼要買netbook呢？最大渴望是去旅行時可以在酒店房自由上網，然後，當預計自己將會遇上待在街無聊的時間也可以找上網點邊玩邊工作（真的是工作嗎？），而，希望不一定在固定的地方寫作也是真的。為了不眼盲努力爭取多得一吋得一吋的芒，也為了更長時間遊蕩而非常想要電源能撐久一點的型號。

基於我是那種什麼都不知道去到電器店就唯唯諾諾的羊牯，現在已經養成了要買什麼科技產品必定事先上網大量爬文才安樂，繼手機之後這次當然也不例外。爬了一個早上文，比較過Lenovo Ideapad S10跟HP 2133兩個型號，鎖定了S10因為有10吋mon，spec也稍勝。但去到電器部，對比過之後（亦因為有現貨），卻把ASUS EeePC1000H入手。考慮的是CPU Ram等速度上的spec，還想要10吋mon，而只有ASUS才有6 cells電（前兩者只有3 cells=1.5-2hr貨仔），加上店子有coupon，敲定了。

雖然啊，真的有點重（3lbs），不過我會盡力多加利用小花園，在不同的時候空間玩玩玩寫寫寫 （主要是前者吧?!）。不過，離開家中的電腦到街外卻打開netbook，到底是出宅還是更宅呢？...

截止送書籤之後，仍收到賀圖真的很高興。有的是朋友的，更為了做得更好而多試一遍，這種認真的態度實在令人鼓舞。

謝謝以下的朋友，Ivy（抱歉剛截止送書籤了），勇先（好正，我是認真的），高地Cody（呢位女子是誰啊？），Angel（很用心的做了另一張新的圖，哈哈我覺得自己的人氣多年來都是差不多啦...）和多黛Flos（我上完人民日報又上TIME會唔會威得濟？）



請按繼續文章看原文及其他收到的賀圖...

繼續文章